Transcription
1
Monseigneur, estant allé hier vers monsieur de Montbrun
2
pour leslargissement de trois prisonniers pieça detenuz
3
en ce lieu et tacher de les faire eslargir ou par change
4
ou aultrement, je trouvay à mon arrivée que fust bien
5
tard, ung gentilhomme nommé monsieur de La Motte
6
et un aultre jeune, prisonniers arrestez passant
7
par eau, dequoy jeuz un merveilleux desplaisir
8
et regret ; et ce matin, jay fait tout ce quil ma
9
esté possible pour leur eslargissement par prières et
10
requêtes. Mais daultant que je ny ay pas grand
11
credit comme scavez à cause du maistre à qui je suis
12
et sers, je nay peu gaigner ce point de leur eslargissement.
13
Quoy voiant, jay presté mon homme audit sieur de La Motte
14
pour le vous envoier et porter les lettres quilz vous
15
escripvent ; et ce pendant, je partz pour men aller
16
à Nismes où estant, et à Montpellier, je feray
17
tout debvoir et dilligence tant envers monsieur
18
le mareschal de Dampville et comme envers
19
monsieur de St Romain pour leur eslargissement,
20
masseurant quil ne trouveront telle prinse
21
bonne à mon advis. Au reste, monseigneur, je
22
vous suplie très humblement mexcuser si la dernière
23
que je vous envoyay nestoit signée, car cela nest
24
venu que par mesguarde ou inadvertance
25
en aiant plusieurs lettres devant moy à signer. Celle
26
soublia à estre signée ce quil vous plaira ne
27
prendre en mauvaise part. Monsieur de Montbrun
28
fait fortifier Loriol. Ilz ont receu nouvelles de
29
France de la prinse de Coignac, Xeinttes, Pontz,
30
Tallemond ; [ajouté au dessus : en Périgord] : Bergerac, La Lande et Sarlat ; en Agenois,
31
Clairac, Pene et Montarut ; en Gascogne, Le Mas
32
sus Garonne, Saint Sardos, et plusieurs aultres dont
33
[122B]
34
je ne scay les noms. Despuis les nouvelles de ces remuements
35
en France, les moiens de trefve et de paix sont
36
bien reffroidiz et nen veulent plus ouir parler
37
ceulx mesmes qui au paravant y prestoient loreille.
38
Et croy que doresnavant il se parlera entre eulx
39
daultre chose que de relligion ou pour le moins
40
quil si entremeslera daultres articles que pour
41
le faict d’icelle. Et prevoy de grandz malheurs
42
et desolations si Dieu ny met ordre de sa pure grace,
43
car les hommes ni peuvent plus riens. Jay baillé
44
charge à se pourteur, mon serviteur, après avoir apporté
45
votre responce icy au sieur de La Motte, de sen aller
46
jusques en ma maison, don[t] je nay nouvelles
47
aucunes despuis que suis de pardeça. Partant
48
je vous suplie luy vouloir donner un passeport ;
49
et quant au mien, jespère à mon retour le
50
vous aller demander moy mesmes car, voiant les
51
choses sapprester comme elles sapprestent, je
52
seray bien aise men retourner au plustost cessant
53
toutes negotiations pacifiques et ny oiant que bruits
54
de guerre et darmes. Et surce faisant fin à la
55
presente, je prieray Dieu vous donner,
56
monseigneur, en très bonne santé, longue et heureuse
57
vie. De Pousin, ce XXIe jour de mars 1574
58
Vostre très humble et très obeissant
59
serviteur, de Castellas
60
Ceulx dicy tiennent que monsieur le mareschal
61
de Montmorency s’en est retiré de la court